Here’s an excerpt:

The concert hall at the Syndey Opera House holds 2,700 people. This blog was viewed about 16,000 times in 2011. If it were a concert at Sydney Opera House, it would take about 6 sold-out performances for that many people to see it.

Click here to see the complete report.

OK. Ngoja niseme hivi: ni nani amewafanya watu wetu kuamini kwamba PESA ni kila kitu? Ni nani amewafanya Watanzania kuamini kwamba ukiwa na gari na nyumba nzuri basi wewe umefanikiwa — umeukata? Ni nani? Ni nani aliyewaaminisha Watanzania kwamba ubora wa maisha umo katika wingi wa vitu mtu anavyomiliki? Ni nani?

Hakuna Mtanzania anayewaza ku-pursue dream siku hizi. Kila mtu anawaza atakavyopata pesa. Ni ugonjwa mbaya na tusipoangalia utatumaliza. Vijana wanapoajiriwa wanawaza jinsi ya kutoka — wanatafuta vimbinu vya kiwiziwizi ili mradi tu na wao watoke. Na tunapowaona wametoka hata hatajiulizi kwamba wametoka vipi. Tunawapigia saluti. Tunawaabudu na kuwasujudia. Hata kama ni wadogo, tunawaita “wazee”. Kisa? Wametoka. Wametokaje? Hatutaki kujua. Ila ni kweli kwamba hatujui?

Siku hizi hakuna Mtanzania nayetaka kuongelea integrity (uadilifu). Na ukitaja tu mambo ya uadilifu uaonekana wa zamani kwelikweli — unachekwa. Unaonekana kama vile umeshuka kutoka Mars! Watu wanatafuta vipato vya kipuuzi kwa nguvu zote — hata kama ni kwa kudanganya. Tumekuwa taifa la waongo, matapeli, wadanganyifu, wasingiziaji, walalamishi, wasiopenda kufanya kazi. Tunaingia ofisini, tunasaini halafu tunatoka kwenda “lunch”. Tukiulizwa tunacho kisingizio: UMEME. Wewe ni mfagiaji wa baraza umeme unahusika nini na kazi yako?

Siku hizi hakuna Mtanzania anayeongelea EXCELLENCE (ufanisi). Tunafanya vitu feki, tunauza vitu feki, tunaishi maisha feki, tuna mahusiano feki — tunaishi UONGO na NJIA ZA MKATO! Tunataka kutajirika haraka. Hatutaki kuumia. Tunataka kujenga maghorofa kwa njia za mkato. Hata madaktari hospitalini wanawatibu wagonjwa wao kwa njia za mkato — ili mradi pesa imeingia. Hakuna anayejali. Hakuna anayefanya kazi ili a-excel hapo kazini kwake. Watu wameridhika na MEDIOCRITY (kawaida). Tuna walimu wa kawaida, maprofesa wa kawaida, mainjinia wa kawaida, wanasheria wa kawaida, madaktari wa kawaida, fundi makenika wa kawaida, wakurugenzi wa kawaida, mawaziri wa kawaida. Hakuna unayemwangalia na kusema: excellent!

Matokeo yake ndo haya: tunaishi gizani, hatuna maji ya bomba, barabara nzuri ni za kuhesabu, watoto wetu wanakaa chini wanapokuwa shuleni, foleni, nk. Wa kulaumu ni sisi wenyewe. Tumewaabudu matajiri, tumeiabudu pesa na tunalia.

Jana ilikuwa fainali ya Kombe la CECAFA/Kagame.  Mechi ilifanyika uwanja wa Taifa, Dar es salaam na Yanga kuibuka mabingwa. Hii ni baada ya wiki takriban mbili za soka lenye siasa nyingi zaidi kuliko ufundi. Kuna ambao walidiriki hata kusema kwamba CECAFA (waandaaji wa michuano) walikuwa na lao jambo katika michuano — kuzipendela timu wenyeji!

Zile timu zilizotoka Kenya, Uganda, Eritrea, Somalia, Rwanda na Burundi zilikuwa zikilalamika kwamba timu za Tanzania zinapendelewa. Nasikia kuna siku timu ya Yanga walirudia penati mara mbili. Mtu mmoja akasema ati: refa ni kama vile alikuwa anahakikisha Yanga hawakosi penati. Madai haya inawezekana ni ya kweli. Lazima tukubali kwamba ili kuendesha mashindano kama haya CECAFA wanahitaji pesa — ya kwao kwanza — viongozi wa CECAFA na kidogo kinachobaki kinaenda kuendeleza soka! Hongera. Nikolas Musonye anaweza kuwa na mawazo tofauti.

Hayo tuwaachie kina Musonye na president wake, Tenga. Kilichonichefua zaidi hiyo jana ni pale ambapo umeme ulikatika uwanja wa Taifa na uwanja mzima ukawa giza. Aibu ya mwaka! Wakati wachezaji wakielekea kupewa zawadi na kukabidhiwa kombe, TANESCO wakawaonyesha CECAFA na ulimwengu kwamba wao ndiyo mabingwa. Jitihada za mheshimiwa waziri, Dr. Nchimbi, kuwasiliana na TANESCO ili umeme urudi hazikufua dafu. Ikabidi watu wawashe simu zao za tochi au tochi zao za simu — asante Mchina — umetujengea uwanja, umetuletea na simu za tochi.

Tanzania kama nchi tulitia aibu ya mwaka kwani ikumbukwe kwamba fainali hizi za Kagame zilikuwa zikirushwa moja kwa moja na kituo maarufu cha mambo ya soka duniani — SuperSport. Kile kilichotokea pale uwanjani hata mtangazaji wa SuperSport alishikwa na kigugumizi kukielezea.

Long live Yanga, long live CECAFA, TANESCO and Tanzania. Wiki njema!

Who said names were nothing? Who said good names and bad names were equally “good”? Next time you are choosing a name for your child — be careful.

In the recent past the media in Tanzania has had a good deal of coverage on two power companies RICHMOND and his daughter, DOWANS. Every bad word you can name was given to these two electricity firms — illegal, conman hand, corrupt, thieves, embezzlers, money (tax payer’s) launders et cetera, et cetera.

Then comes in this (American-based?) giant — SYMBION. He buys the same power facility (plant) and he names it after himself — SYMBION! Now DOWANS and her dad, RICHMOND are no longer illegal, corrupt, embezzlers. They are the good guys “white as snow”! What has changed? Nomenclature. DOWANS is now a new creature — no longer a beast we used to know and dread.

And by the way, thank you Mrs. Clinton for endorsing this once-bad-now-good “guy”. And thank you for promising us that come 2015, power rationing (shedding) will be history. Ah!

Huyu baba alinishangaza. Alipoanza kuongea tu: lafudhi, vibwagizo, misemo, majigambo, nahau — utadhani ni Mswahili wa Bagamoyo. Kiswahili safi kabisa. Kwa mtu ambaye angekuwa akisikiliza akiwa nje bila kuona rangi ya ngozi ya huyu baba asingeweza kuamini kwamba anayehubiri kanisani ni Mmarekani.

Huyu amejifunza lugha yetu ndani ya miaka ipatayo kumi na nne tu na ameiwezea kabisa. Hachanganyi neno la Kiingereza hata moja. Anaongea kama sisi: mimi na wewe. Bila shida yoyote.

Baadae nikaanza kutafakari na kujiuliza. Sisi tunaanzaga kujifunza lugha ya wenzetu (Kiingereza) tukiwa darasa la tatu. Kwa hiyo tunapomaliza darasa la saba huwa tumejifunza Kiingereza kwa miaka takriban minne. Halafu tunaanza masomo ya sekondari: tunajifunza Kiingereza kwa miaka minne hadi sita. Jumla? Miaka kumi. Kisha tena kuna wanaobahatika kuendelea na masomo ya Chuo kikuu kwa miaka mitatu hadi mitano (5). Jumla? Miaka kumi na mitano!!! Lakini kisikie hicho Kiingereza chetu. Duh! Penye “the” tunasema “ze”. Sentensi zetu zina “is” kibao.

Lazima tukiri tu. Sisi ni wavivu wa kujifunza. Tunafanya ili mradi tu. Hatutafuti kufanya mambo sawa sawa. Tunatafuta njia za mkato na kufaulu mitihani. Hayo ni mawazo yangu tu.

Kama wao wanaweza kujifunza na kuimudu lugha yetu. Sisi pia TWAWEZA.

Habari za kuthibitika na kuaminika kwa mujibu wa jeshi la Marekani na Rais wa Marekani, Barack Obama, ni kwamba kiongozi huyo wa Al-Qaeda alivamiwa katika makazi yake katika mji mdogo nje kidogo ya Islamabad, Pakistan. Huu ni ushindi mkubwa kwa Marekani, nchi za magharibi na wengine ambao wamekuwa wakitamani vita hii dhidi ya ugaidi ifike mwisho.

Wachambuzi wengi, hata hivyo, wanaona kwamba kuuawa kwa Osama ni kitu kimoja na kuisha kwa vita dhidi ya ugaidi ni kitu kingine. Wanasema kwamba aliyeuawa ni Osama na sio Al-Qaeda. Kwa mantiki hiyo wanaona kwamba vita ya hapa na pale itaendelea kwani Al-Qaeda ina mtandao mkubwa.

Pili niwape hongera kwa sikukuu za Pasaka, Muungano na Mei Mosi. Naamini tumezitumia siku hizo kutafakari mambo kadhaa yahusuyo mustakabali wa Taifa letu tukufu.

Ni matumaini na maombi yangu kuwa muungano wetu ulioishi kwa mika 47 utaendelea kuwepo na kudumishwa. Naamini pia kwamba vitu vinavyotuunganisha kama Watanzania vina nguvu zaidi kuhusu kasoro tulizo nazo za muungano. Hata kama “wajinga” fulani, kwa maslahi yao binafsi, wataamua kuuvunja huu ushirikiano; bado jina Tanzania litadumu. Amin.

Sikukuu ya Mei Mosi nayo imepita — lo! Mwezi wa tano tayari!! Siku zaenda mbio kweli kweli. Sijapata nafasi ya kuyapitia yale ambayo wakuu walisema jana kwenye Mei Mosi ila naweza kusema tu kwamba TUFANYE KAZI!

Mawazo haya ya dili yatatufikisha wapi?

Tumekuwa tukisikia mengi tangu CCM walipoanza harakati zao za kujivua gamba. Kitu kimoja kiko wazi — ndani ya Chama cha Mapinduzi hakuna anayeweza kumfunga paka kengele. CCM ya leo si ile CCM ya miaka ile. Ndani ya CCM ya leo watu wanaoneana aibu. Hakuna hata mmoja wao (NEC-CCM) anayeweza kumnyooshea kidole mwenzake na kumwambia: “wewe ndiye fisadi. Wewe ndiye unakivuruga chama chetu. Wewe waweza kukaa pembeni ili chama chetu kipone.” Hakuna mwenye ujasiri huo. Tulichosikia ni hiki: “Mafisadi waondoke wenyewe ndani ya siku 90.” Thubutu!! Hata ningekuwa mimi — niondokeje?

Nitaondokaje wakati magari mnayotumia niliwanunulia mimi? Nitaondokaje wakati majukwaa mnayohubiria ni mimi nimeyajenga? Nitaondokaje wakati ofisi zenu za wilaya na mikoa ni pesa “yangu” ilizijenga? Nitaondokaje?? Swali ambalo bado najiuliza ni hili: Je, mafisadi ndani ya CCM ni akina nani? Mbona viongozi wakuu wa chama hawatupatii majina ya watu wanaotakiwa kuondoka? Ebo! Tupeni majina ya hao mafisadi sisi wananchi ili nyie mkishindwa sisi tuwashughulikie. Igeni mfano wa Mwalimu (Julius Kambarage Nyerere).

Mwalimu Nyerere alikuwaga na ujasiri wa kuwataja wana-CCM wenzake walioonekana kukivuruga chama. Mwulizeni mzee John Samweli Malecela atawaambia kilichomkuta kule Chimwaga. Mwulizeni mzee Mwinyi (Ali Hassan) atawapa stori za Mwalimu. Mwulizeni JK (Mrisho) atawaambia kilichomkuta alipotaka kuchukua fomu za kugombea urais wakati wa Mwalimu. Mbona leo ndani ya CCM hakuna mtu anayethubutu kuwakabili wakorofi kwa ujasiri?

Acheni maigizo! Tumechoka.